AGARTALA: Wednesday din Agartala te Tripura BJP workers khan para gari, computers aro dosura saman toh newspaper office te beya korishe aro etu samai komti hoilebi 4 jun jokom paishe. BJP members khan para local daily “Pratibadi Kalam” office toh beya korishe aro gari office bahar te park hoikena thaka toh be beya korishe koishe. Anal Roy Chowdhury, newspaper editor praa koishe ke, etu toh ruling party BJP rally, workers khan para office te ahikena car aro tuita(2) two-wheelers parked korikena thaka toh jolai thishe. “etu samai komti hoilebi 4 jun journalists hamla te jokom paishe. Papers aro documents, computers aro CCTV cameras toh etu samai beya korishe aro police khan toh kara korikena sai thakishe,” koikena Chowdhury para janaishe. Tai para koishe ke, etu goonda khan toh lathis aro sharp-edged deadly weapons thurikena ahishe. Journalists eke jun Prasenjit Saha koikena, tai laga matha te sharp-edged weapon para marishe aro besi serious te ase,” tai para janaishe. Chowdhury para reporters logot koishe ke, etu hamla toh besi danger ase aro Tripura te media office te hamla kora toh 1st samai ase. Media organisations aro senior journalists, including Agartala Press Club Secretary Pranab Sarkar para newspaper office toh visit korishe aro etu hamla kora nemite manuh khan samil thaka toh joldi te thuriboli janaishe. “jodi police para 12 gonda te etu manuh khan ke thura nai koile, ami khan para justice nemite protest koribo. Hamla kora manuh khan para saman beya kori deya toh Government para compensate thiboli lage,” koikena Sarkar para janaishe.
Tripura te BJP workers para newspaper office hamla korishe
