Agencies, 26 November: Thursday te, UEFA Champions League laga group stage match 4 of 6 te, Porto, Atlanta, Real Madrid, Bayern aro Ajax jetishe. Group C te Porto aro Marseille khela thakise. Etu khela te Porto 2-0 para jeti loise. Porto laga tuita goal toh Zaidu Sanusi aro Sergio Oliveira para ase. Aro Match te Marseille laga ekta player Leonardo Balerdi ke red card deya thakise.
Group D te, Liverpool aro Atalanta majode thakise. Etu te Atlanta 2-0 para jetise. Atlanta nemide tuita goal toh Josip IIicic aro Robin Gosens para ase.
Group B te Real Madrid aro Inter Milan majode lok powa thakise. Etu te Acharf Hakimi laga galdi goal aro Eden Hazard laga penalty goal nemide Madrid 2-0 para jetishe. Inter Milan laga Arturo Vidal ke red card deya thakise.
Group A te Bayern 3-1 para RB Salzburg ke jetishe. Bayern laga player Robert Lewandowski, Kingsley Coman, Leroy Sane aro Marc Roca para ekta-ekta goal deya thakise. Aro RB Salzburg laga ekta goal toh Mergim Berisha para thaksie.
Group D te Ajax 3-1 para Midtjylland ke jetishe. Ajax nemide Rayan Gravenberch, Noussair Mazraoui aro David Neres para goal deshe. Midtjylland laga ekta goal toh Awer Mabil laga penalty para thakise.
Add Comment