AGENCIES: India No.3 Vidit Gujrathi toh Sochi, Russia July 10 te lobole thaka FIDE chess World Cup 2021 nimete qualify kurishe.etu bi tai laga ratings khan hisaab te ase.
Etu para Grandmaster Gujrathi toh fourth indian ase ahibole thaka world cup te qualify kura toh. Tuesday din laga press release te koikena janaidiya thakishe.
Etu Nashik-based player toh Grandmasters P Harikrishna, Aravindh Chidambaram and P Iniyan logote shaamil hoishe indian mens khan logote world cup nimete qualify kura toh.
Etia Koneru Humpy, D Harika, Bhakti Kulkarni, R Vaishali and Padmini Rout toh world cup laga maiki event nimete qualify kurishe.
Etu toh Gujrathi’s third World Cup appearance thakibo tai toh poila te 2017 and 2019 te thakishe.etu Indian para koikena janaidiya thakishe ki tai toh mondangor ase etu tournament te bhal para khelibole nimete.
Gujrathi para kuwa te koikena janaidiya thakishe”bishi khushi ase etu wc squad te aha nimete aro india nimete khela toh bhal samay ase aro etu bi world cup kuntu toh sobse bhal ase ki sport event te thakile bi.”
Tai para koikena janaishe”mui bishi khushi ase bhal show dikhabole nimete aro kosish kuribole nimete bhal para sob game ami khela toh.bishi khushi para sai ase etu event nimete kile koile toh etu toh ami laga first over thakibo. Board (OTB) event February 2020 para thakibo.”
Tai toh etia world te 23rd ranked ase.fide world cup 2021 toh classical event thakibo etu logote standard time logote.
Iniyan toh olop akhe te AICF online qualifying event toh jitishe etu bi world cup te jabole nimete.
