Madrid, 23 April : Real Madrid bihot din te Vinicius Jr laga khobor aru doubt sob khotom koribo, karon latest report hesaap te Brazilian winger ekta noutun five-year contract sign koribo te ase Los Blancos logot, juntu 2029/2030 saal tak club te thakibo dibo.
Vinicius, jun 2018 te Real Madrid join korise, club logot already tinta La Liga, duita Champions League aru duita Club World Cup title jiti luishe.
Spanish media age report dishe ki Vinicius, 24 saal, ekta dangor offer paise ekta Saudi Arabia laga club pora, juntu desh te Cristiano Ronaldo aru Neymar juntu dangor player ase, olop din age join korise.
Olop din age Real Madrid, juntu Spain laga champion ase, Vinicius laga agent logot contact korise tai laga current contract 2026-27 season tak ase holbi, contract rework kori Saudi interest khotom koribole karone, juntu ek saal pora cholti ase.
Aru latest report hesaap te, La Ser outlet pora, Vinicius now almost ready ase noutun contract sign koribo karone Los Blancos logot, juntu tai ke 2029/2030 saal tak club te rakhibo.
Ita season Vinicius karone ekta tough season hoise — tai last year laga dangor performance repeat nai koriparise juntu tai ke Ballon D’or runner-up banai dishe — aru Madrid bhi bhal performance nai dikhai ase — juntu Barcelona pora La Liga te 7 point niche ase, aru UEFA Champions League te Arsenal logot quarterfinal te 5-1 aggregate pora harai dishe, juntu ekta embarrassing result hoise.
Sob birodh te bhi, Vinicius club te thakibole dedicated ase, karon age tai eku thik thak kori koi dise ki tai contract renew koribole ‘as soon as possible’ mon ase, indirectly Saudi Pro League laga report khotom kori dise. Vinicius, jun 2024 laga FIFA men’s player of the year award jitse, koi dise ki Real Madrid te success paana tai laga childhood dream
Add Comment