Agencies, 22 November: WBBL franchise Sydney Sixers ke $25,000 fine kora te $15,000 toh 12 moina nemide suspend kori deshe. Etu toh hoilebe administration error te fast bowler Hayley Silver-Holmes laga naam jai thaka Women’s Big Bash League laga edition te, primary squad te nathakise koilebe team sheet te naam kora nemide ase.
Sixers toh tai khan laga side te Silver-Holmes ke lobole bhabona kora thakise hoilebe match suru nahowa agae te tai laga paper kaam toh nahoi kena thakise. Etu manae tai toh selection nemide ineligible thakise. Sixers officials para galdi te jana bechide, tai ke match para hataideya thakise aro Renegades para kaamiyab run-chase 167 te tai bat nahoile field kora nai.
Sixers toh aji kali table te sixth jaga te ase. Tai khan 12 games para 12 points logode ase.
Add Comment