TOKYO: India’s Bajrang Punia para Saturday din tai laga Olympic debut te bronze medal jitishe etu bi Daulet Niyazbekov Kazakhstan 8-0 men’s freestyle 65kg final te haraidiya pichede.
Bajrang ke akhe te Rio Olympics bronze-winner Haji Aliev Azerbaijan para men’s freestyle 65kg semifinal Friday din te haraidiya thakishe.
Bajrang para India laga sixth medal jitaidishe Tokyo Olympics te aro second wala medal wrestling te jitaidishe etu bi ravi dahiya kun para sliver jitishe men’s freestyle 57kg title clash 4-7 reigning world champion Zavur Uguev logote harijuwa pichede.
Olympics te etia india khan logote wrestling te choita medals khan ase.KD Jhadav toh India laga akhe wala wrestler thakishe aro first individual Olympic medallist ase kun para 1952 Helsinki Games te bronze medal jitishe.
Etu pichede sushil kumar para wrestling profile uthise etu bi bronze medal toh 2008 Beijing Games te jita pichede aro medal colour toh bodli kurishe historic silver 2012 London Olympics te jitishe etu para tai toh india laga khali ekta athlete hoishe etu bi nou sal te duita individual olumpoic medal jita toh.
Choita medal jitikena india khan etia tai khan laga sobse bhal result thakishe single Olympics te.etu desh para 2012 London games toh choita medals jitishe.
