April 06, 2024 : Itu Zunheboto laga Deputy Commissioner – Rahul Bhanudas Mali, IAS para ekta consultative meeting loishey, itu Dobashis (DB’s) khan logotey, Zunheboto under tey, town hall tey, Zunheboto laga, 06th April, 2024 tey.
Itu DC para inform kurishey, itu DBs khan ke, ki, itu meeting laga asol reason toh hoiley, ekjo ekjon ke encourage kuriboley karney asey, free aru fair election nimitey, itu upcoming Lok Sabha election nimitey. Tai para itu DBs khan ke request kurishey, co- operate kuriboley, itu administration logotey, poila laga election khan tey kuria nimitey, kuntu toh hoiley bishi success para conduct kurishey. Tai para state kurishey ki, itu Deputy Commissioner hisap thaki kena, tai toh hoiley tai laga best di kena ahishey, tai khan laga welfare nimitey aru tai khan ke advise kurishey, sincere para kaam kuriboley, itu public khan laga bhal nimitey, Tai para itu bhi koishey ki, DBs khan toh hoiley itu sdministration laga foot soldier khan asey, aru tai khan ke hudishey, campaign kuriboley tey para durr thakiboley nahoilebi politics khan tey involve nathakiboley koishey, government laga servant thaki kena. Mali para itu jama kuria manu khan ke matishey, tai khan laga best diboley, ekta free aru fair election ensure kuriboley. Tai para itu bhi assure kurishey, itu DBs khan ke, tai toh hoiley ki hoilebi kuribo koi kena, tai khan laga problem khan solve kuriboley tey.
EAC (HQ) – Mopling M Phom para tai laga khata speech tey, itu Dobashi khan laga role toh highlight kurishey. Tai para itu bhi advise kurishey tai khan ke, ki ki hoilebi shortcut laga kaam nakuriboley, ki ki laga acase khan loa homoi tey, kiley koiley itu khan toh hoiley, itu public laga confidence khan tey hamper kurey, itu DBs para.
Itu programme toh hoiley EAC Mopling M Phom para chair kurishey. Ekta khata speech toh hoiley deliver kurishey, itu Vikheho Yeptho, kun toh hoiley PA asey DC laga, aru itu homoi tey vote of thanks toh hoiley Shikato Yeptho para deliver kurishey, kun toh hoiley district Hd. DB asey.
Add Comment