National

Bengal te Trinamool Leader murai diya nimite duita arrest hoishe

February 11, 2019
16 Views

KOLKATA: Saturday West Bengal te Trinamool Congress lawmaker ke murai diya laga connection te duita manu ke arrest kurishe aro ekta police officer ke kaam para suspend kuri dishe.

Police koishe Satyajit Biswas toh West Bengal laga Majhdia te public function attend kura samay te point-blank range para guli mari kena murai dishe. Majhdia toh Kolkata para 120 km dur te ase. Nadia district laga Trinamool lawmaker toh Saraswati Puja function toh inaugurate kura laga olop samay pichete guli mari kena murai dishe. was shot dead at point-blank range while attending a public function in West Bengal’s Majhdia, 120 km from Kolkata. Etu event toh “Amra Shobai” (All of Us) club para organize kurishe.

Kartik Mondal aro Sujit Mondal, duijon bhi Majhdia area te thaka manu ase. Tai khan duijon ke kali dhurishe. Hoile bhi etiya tai khan duijon ke formally arrest kuri loishe. Hanskhali Police Station laga Officer-In-Charge (OC) ke bhi kaam para suspend kuri dishe.

News agency ANI koishe dekha manu khan para koishe Mr Biswas toh front row te olop manu khan logote chair te bhuhe thakishe. Tai khan toh chutu stage te cultural show sabole bhuhe thakishe. Mr Biswas toh duita para charta manu khan para murai dishe.

Dekha manu para koishe guli mara toh firecracker genika he hunishe. Aro etu pichete Mr Biswas toh mati te geri jaishe. Dekha manu para koishe moi toh Satyajit Biswas para panch feet he dur te thakishe aro moi tai ke modot kuribole agay ahishe. Satyajit Biswas toh pura khoon bhorta hoi kena thakishe.

Nadia district laga Trinamool president Gaurishankar Dutta para BJP leader Mukul Roy ke etu murder nimite inzam dishe. Mr Dutta toh din te huwa murder laga olop samay agote he venue toh charishe.

Trinamool toh etu murder toh ekdam biya para condemn kuri ase.

Police sources hesab te Mr Biswas ke osor para bishi bar guli marishe. Guli mara manu toh jaga pura bhoi para bhorta thaka jaga laga faida (advantage) uthai kena polaishe.

Etu ekdam shocking murder toh elections dates announce kuribole laga olop din agote he hoishe. Aro etu toh ruling Trinamool aro BJP majote confrontation laga majote hoishe.