SHANGHAI: State media khor kurishe komti hoile bhi 145 bacha khan ke expired polio dishe. Etu ghatna toh eastern China te hoishe. Government para jua salt e huwa scandle toh aro hubole nadibo kuwa pichete bhi industry te aro enika ghatna hoishe. Etu genika ghatna toh jua saal te bhi hoishe.
Jinhu county government para announce kora hesab te etu case ula pichete teenta county-level health officials khan Jiangsu province para dismiss kurishe. Etu case toh etu haft ate janishe. Etu toh manu khan laga health te latest concern dishe.
Thursday te state braodcaseter CCTV khobor kurishe etu hafta laga agote etu expiry polio vaccines laga kotha toh janibole parishe. Expire huwa polio vaccines toh bacha khan ke county-run health facility para dishe. Polio vaccines khan toh December 11 laga expiration date thakishe.
CCTV government source laga kotha quote kuri kena koishe ke local government khan janishe ke December 11 para January 7 majote 145 genika bacha khan ke etu expired polio vaccines dishe.
Local health officials koishe expired vaccines para efficacy he decrease kuribo aro health te aro eku biya affect nokuribo.
World Health Organisation laga website te koishe expired huwa vaccines khan manu khan ke diya nimite manu khan etu vaccines khan pa nimite bimar hubole toh likely nohoi. Hoile bhi warn kurishe ke tai khan toh adequetly immunized nohubo pare koishe.
CCTV koishe kunba parents khan toh khobor kurishe ke expired vaccine diya nimite bacha khan toh adverse reactions lok paishe. Bacha khan toh etu expired vaccines nimite vomiting aro drowsiness bhi hoishe koishe. Hoile bhi etu toh dawai laga normal allergic reactions ase na nai etu kotha toh etiya bhi clear nai koishe.
Regional government koishe teenta Jinhu county health officials khan chari kena, dusra panchta local staffs khan opor te investigation hoi ase.
Vaccines khan toh seal kurike treat kuribole order kurishe. Government para desh pura laga health related departments khan te inspection launch kuribole order dishe.
Polio vaccine toh government para dui moina laga bacha khan para char saal laga bacha khan ke free para provide kure.
Add Comment