SHAHJAHANPUR: Ekta maiki para Congress student body leader opor te harassment laga complaint kuri dishe. Etu nimite Congress student leader para maiki ke threaten kuri kena camera te capture kurishe. Etu toh Uttar Pradesh college te hoishe.
Video te dekha hesab te National Students Union of India (NSUI) district president Irfan Hussain para kun para harass kurishe etu khan ke back kuri kena maiki ke behave kuribole koi kena dekhishe. Etu video toh online te ekdam circulate kuri ase.
(NSUI) district president Irfan Hussain maiki ke koishe upni toh etiya first year te he ase aro upni toh aro teen saal thakibole ase etu nimite behave kuri kena thakibi koishe.
Tai duijon laga khata kotha para jhagara kora te Hussain koishe maiki khan toh tai khan laga limit te thakile he bhal dekhay koishe.
Etu pura jhagara te college laga staff khan ejon bhi aha nai.
Etu video toh ciral huwa pichete Congress student body para Hussain ke suspend kurishe aro tai ke organization laga eku kaam te hissa nolubole order dishe.
Hussian against te case register kura pichete police khan tai ke bisari ase. Hussian toh etu samay te missing ase.
Police officer D Tripathi news agency ANI ke koishe etu manu opor te FIR register kurishe aro tai toh joldi he arrst hoi jabole ase.
Add Comment