Agencies: Friday fusur te Israeli military aircraft para Gaza strips te Hamas khan opor te bomb para hamla kurishe. Etuy hamla toh Hamas khan para duita rockets Tel Aviv te mara pichete hoishe.
Rati te etu duita side para bhi hamla ekjon-ekjon khilaf te kura pichete Israeli border towns te aro sirens bajaishe.
Statement te Israeli military koishe tai khan para Hamas khan laga ekso (100) genika military targets te hamla kurishe. Hamas toh Gaza chola (control) kura Islamist militant group ase.
Statement te kunba sites khan laga photos khan bhi ase. Military khan koishe ke etu jaga khan toh tai khan para nishana kura jaga khan ase. Etu te Hamas laga West Bank operations laga headquarters bhi thakishe. rocket bana jaga aro naval post bhi thakishe.
Reuters khan para etu kuwa kotha toh immediately janibole para nai.
Gaza te thaka health ministry officials koishe duita manu (ekta mota aro ekta maiki) etu hamla nimite jokom hoishe. Etu toh tai khan laga ghor Rafah te biya huwa samay te ase.
Dekha manu khan para koishe ke etu air strikes khan nimite ekdam shaktishali explosions hoishe aro Gaza jag ate thaka buildings khan bhi helai dishe.
Add Comment