NEW DELHI: Government pora olop aagete ban koriya Jamaat-e-lslami Jammu and Kashmir, toh Pakistan laga spy agency Inter-Services Intelligence nahoile ISI logote mili thakise aro New Delhi te thakiya Pakistan High Commission logote kotha kori thakise, officials khan pora koise.
Hurriyat Conference laga adangwati group te Jamaat-e-lslami (J&K) laga sobse dangor member toh Syed Ali Shah Geelani ase. Tai ke ekta samoy te adangwati khan pora Jammu and Kashmir laga ‘Amir-e-Jihad'(jihad laga head) koikena maani thakise.
Kashmiri jowan manu khan ke training diye kena haadiyar khan dibo nimite Jamaat-e-lslami (J&K) toh Pakistan laga ISI logote besi bhal pora mili thakise aro tai khan leaders toh New Delhi te thakiya Pakistan High Commission logote modot mangikena kotha kori thakiye, ekjun senior government official pora news agency Press Trust of India ke koise.
Intelligence laga khobor hisab te, Jamaat-e-lslami (J&K) tai khan laga link jolaikena Kashmir te bacha khan ke India logote khilaf koribole kotha aro phabana phelai aro Jamaat-e-lslami (J&K) youth wing (Jamiat-ul-Tulba) ke adangwati te khusi kena “Jihad” te join koirbole koi.
Etu toh asurit nahoi ki Kashmir te adangwati laga harkat toh Jamaat-e-lslami (J&K) besi pheliya pora howa ase, etu official pora koise.
Jamaat-e-lslami (J&K) toh Pakistan-based adangwati group Hizb-ul-Mujahideen pora bona bhoi ke julai aro tai khan laga members nimite poisa olai.
Tai khan laga base toh Kashmir te adangwati kam koribo nimite jakka diye thakise.
Jamaat-e-lslami (J&K) te ekdum kara manu khan toh secessionist(india pora aalag hobole) harkat te besi aage thakise aro All Party Hurriyat Conference (APHC) aro adangwati group Hizb-ul-Mujahideen bona laga asol manu khan thakise, aalag official pora koise.
Jamaat-e-lslami (J&K) toh Islamic education dibo karne school khulibole konoba trusts ase.
Etu harkat laga bicchete, Jamaat-e-lslami (J&K) te kara manu khan toh adangwati khan logote milikena ase, etu official pora news agency PTI ke koise.
Add Comment