KABUL: Kabul te thaka manu khan toh suicide hamla aro bombs khan para ghatna lok pai thake. Etu thanda mousam te etiya aro dusra khatarnak threat lok pai ase . Etu toh air pollution ase.
Olop hafta para city te toxic smog laga thick layer hoi kena ase. Etu toh thanda para bachibole manu khan coal, khuri, gari laga tyres aro garbage groom thakibole jula nimite ase.
Kitiya temperatures khan zero para kom hoi jai etu toxic smog toh saam aro fusur te bishi hoi jai.
Etu jag ate thaka manu khan complain kurishe ke hawa toh biya biya hoi jai ase. Doctors khan saas laga bimar toh bishi huwa laga khobor dishe.
Kabul te thaka Indira Gandhi children’s hospital laga ICU doctor Akbar Iqbal koishe jua saal khan te manu khan saas laga bimar toh 30 para 40 percent te thakishe hoile bhi etu saal te etu percentage toh 70 para 80 percent te uthi jaishe.
Dr. Akbar koishe etu toh thanda aro pollution para hubole paray koishe.
Add Comment