MOKOKCHUNG: SWACHHATA HI SEVA (Cleanliness is Service), laga launching programne toh WSSO, PHED, Mokokchung Division pora ADC (Planning), Mokokchung Conference Hall15th September 2018 te loishe .Etu te Deputy Commissioner, Mokokchung special guest thakishe .Etu luwa time te DC kotha kuwa time te DC pora department Master plan olabi koi she etu campaign nimete aro bhal pora kaam kuribi etu din thik thak pora manabole nimete .Tai aro koishe juwan manu khan kun khal mon dikena kaam kuri thakeh tai khan ke brand ambassador bonabole lageh rural areas khan nimete aro manu khan ke koishe akhe ahikena etu mission bhal pora hobole karne kaam kuribi. EE PHED, Mokokchung Division, YangerPongen pora welcome address diya time te tai pora etu mission laga kun ba kotha khan koishe .Tai koishe SWACHHATA HI SEVA toh central pora ola ase Mahatma Gandhi150th Birth Anniversary manabole karne 2019 sal te.Tai pora sob manu khan ke ahikena sob manu ke etu mission te bhaagh lobi koishe .Etu programme toh Temsurenla, Consultant, WSSO pora loishe .
Add Comment