KOHIMA, November 8:Kidima village laga Makromi United Kohima khan pora tai khan laga 9th session cum picnic 7th November 2018 Nagi Park, Jotsoma te loishe .Etu time te Immunization Officer, Health & Family Welfare, Kekuse Rikha main speaker ase .Etu occasion te speaker pora koishe etu organisation khan laga kaam toh manu khan ke modot kuribole nimete aro members khan ke koishe tai khan laga comfort zone pora olaikena modot kuribi manu khan ke biya time hoilebi bhal time hoilebi .Aro tai pora sob manu khan milikena buibikoikena janaishe .Tai aro koishe politics aro religion chance nadibole lageh ami khan unity phangabole nimete .Etu duita hi ase ami khan laga society ke bhaakh kuri diya toh.Tai koishe miliken thakile society bi bhal hoijabo. Secretary report toh Secretary MUK, Virahol Kiso pora dishe .Etu programme Tepulel Rikha pora loishe . Vice President MUK, Vikekul Tepa pora vote of thanks dishe .Ekta nutun office bearer team khan 2018 aro 2020 sa; nimete chunsishe etu occasion te etu khan laga naam toh: Dr. P. Tepekrovi Kiso; Vice President – Thoneil Rikha; Secretary – Vingozo Kiso aro Treasurer – Tepuneil Tepa ase.
Add Comment