Agencies:Times of India khobor kurishe ke Hokaito toh cricket khelibole moka komti pa nimite tai coaching te settle kuribole lagishe. Hokaito toh 2012-13 te Assam nimite cricket khelishe. Hokaito tai laga state nimite khelibole retirement para wapas ghurai kena ahishe. Jonathan Rongsen bhi Nagaland cricket te wapas ahsihe. Jonathan toh Railways khan nimite kheli thakishe. Hoile bhi etu saal te Jonathan ke Nagaland laga captain banaishe.
Jonathan toh Nagaland ke etu saal laga Ranji Trophy te lead kurishe. Nagaland toh ccompetitions te harile bhi Jonathan toh state nimite sob para bhal player hesab te uthishe. Nagaland toh competition te charta matches para duita matches jeetishe.
Jonathan koishe moi toh competition te ball toh bhal para maribole parishe. Hoile bhi moi toh bishi bar toh T20s competitions khan te he khela nimite lamba game tarika te khelibole teen-charta games lagishe moi etu format pichete khilebole parishe.
Jonathan koishe ami khan Ranji te nakhela agote ami khan laga local players khan toh etu genika cricket te ketiya bhi khela nai. Lamba tarika laga cricket te khelibole toh hodai muskil ase. Kile koile etu nimite ami khan troh demag para bhi ekdam thakibole lage aro sarir laga tagot bishi lage. Hoile bhi ami khan toh aste-aste para etu pari jai ase. Etiya ami khan aha saal te ke kuribole lage etu ami khan bhal para janibole paribo.
Add Comment