New Delhi: Friday din China para Janu and Kashmir’s Pulwama jaga deh terror hamla para 40 CRPF mora laga families logode ektum mondukh howah kotha janaishe. Etu khobor toh Foreign Minister Sushma Swaraj logode janaideya laga ase. Chinese Foreign Minister Wang Yi para khobor janaideya deh koiwah toh, manu khan nemide terrorism toh common dushman ase. Chinese side para be terrorism opor deh ektum gara para kelaaf ase koise.
Khobor janideya deh Pakistan logode bothnaam korikena toh kowah nai. Hoilebe etu hamla toh Pakistan-based terror group, Jaish-e-Mohammed para tai khan kora ase koikena janaishe.
Wang Yi’s para Ms Swaraj logode message kora toh, Desh laga region deh cooperation toh phal hobo lagi, terrorism hamla howah opor deh kotha koribo lagi aro regional peace aro security toh thek para rakhibo lagi.
India para kowah toh, Pulwama hamla deh Pakistan be melikena thaga toh question kuribole naparibole laga saboot ase. Hoilebe Pakistan government para etu hamla deh melikena nai koise.
Centre para Pakistan logode “Most Favoured Nation” privileges deya toh hataidebole manishe aro country’s isolation globally nemide kaam koribo koise. Most Favoured Nation status toh tuita desh manjode eku dekthari nahoi kena business partner kuribole laga ase. Hoilebe etu toh terror hamla karni Pakistan logode cancel koridese.
Add Comment