CHANDIGARH:
Thursday te security agencies para Punjab laga Bathinda aro Ferozepur districts te high alert dishe. Intelligence khobor hesab te atankwadi Zakir Moosa etu jaga majote lukai thakibo pare kuwa nimite high alert toh dishe.
Intelligence khobor hesab te Moosa toh Sikh turban laga wala hoi kena thakibo pare. Moosa toh Ansar Ghazwat-ul-Hind laga chief ase. Tai toh global terror group logote bhi mili kena ase khobor paise.
Army troopers, Punjab Police aro dushra para-military toh important jaga khan te lagai kena ase. Bathinda railway station te police lagai she. Thursday din para jaga te checking suru korishe.
Security agencies para public awareness karne duita district te Moosa laga posters lagaishe.
Moosa kun atankwadi organisation Ansar Ghazwat-ul-Hind (AGH) laga head ase. Ansar Ghazwat-ul-Hind (AGH) toh Al-Qaeda laga ekta cell ase. Moosa toh Punjab laga jaga aro manu khan toh bishi bhal para jani kena ase.
Moosa military ranks join nohuwa agote educational institution Punjab laga student thakishe.
Moosa, Burhan Wani ke chief hesab te succeed korishe. Wani toh atankwadi organisation Hizbul Mujahideen laga chief thakishe. Wani July 2016 Kashmir security forces logote larai kora samay te murishe.
Punjab Police officials koishe high alert toh atankwadi ke dhuribole dishe.
Add Comment