Durbar Hall, Raj Bhavan Kohima jaga deh cultural event 27th March 2019 deh lowah time deh Founder Secretary of SOORYA, Shri Soorya Krishnamoorthy para kowah toh, SOORYA toh Governor of Nagaland, Shri PB Acharya logode join hobole ase. Etu para national integration hobole bhabona kori thaga toh culture para agae jabo. Tai para kowah toh, India’s peculiarity toh Unity in Diversity ase aro tai laga bhabona hesab deh kowah toh, exchange programmes aro events para Nation toh osor deh annibo aro desh ekta hobo nemide gara hobo.
Commissioner & Secretary to Governor Nagaland, Shri Dinesh Kumar, IAS para welcome speech deya time deh kowah toh, Governor Acharya laga leadership pethor deh besi programmes aro events toh Raj Bhavan deh loise. Nagaland laga manu khan toh social organisation deh ektum unite ase aro etu toh Unity in Diversity nemide ekta phal example ase.
North-East aro South India laga artistes khan Kohima deh perform koribole laga ke, Shri Dinesh Kumar toh Shri Soorya Krishnamoorthi logode ektum kushi powah kotha janaideya thakise. Kelay koile tai aro tai laga team Nagaland deh ahhaibo karni invitation mana nemide.
Renowned Indian dance research scholar, educator, performer aro choreographer, Dr Methil Devika para Mohiniyattam perform kora thakise aro Dancer T Reddy Lakshmi para Kuchipudi dekhaideya thakise. Event deh Nagaland, Assam aro Manipur laga artiste khan be cultural performance kora thakise.
Dr Methil Devika para dance concert toh USA, Europe, Australia, Singapore deh kora ase aro dangor festivals deh kora toh Kerala Fine Arts Society aro Ustad Bismillah Khan Yuva Puraskar youth festival nesana khan ase. Tai logodebe Mohiniyattam dekhaideya nemide ektum kushi powah kotha janaideya thakise.
Raj Bhavan deh event toh Department of Art & Culture, Government of Nagaland, NEZCC, Rattle and Hum Music Society aro Indian National Fellowship, Mumbai khan meli kena ola laga ase.
Add Comment