YANGON:Platform agi koishe Myanmar te Facebook para ekso opor pages aro accounts bon kurishe. Etu pages aro accounts khan te military links lukai kena thakishe. Facebook para etu action luwa toh hate speech aro misinformation control kuribo karne loishe.
Social media giant Myanmar laga bishi popular aro influential site ase. Facebook bishi saal para malicious posts especially Rohingya Muslims opor te aha toh control kuribo na para nimite criticize hoi thakishe.
Jua saal etu problem toh notun level te punchishe. Kile koile jua saal Myanmar laga military para 720,000 Rohingta Muslims ke Myanmar para Bangladesh te khedai dishe. Aro site te stateless Rohingya group khan opor te dehumanize materials spread hoishe.
Agi Facebook koishe 425 pages, 17 groups, 135 accounts aro 15 Instagram accounts genika remove kurishe. Myanmar military khan etu groups aro accounts te independent news, entertainment, beauty aro lifestyle pages hesab te cholai thakishe. Hoile bhi hossa te etu pages aro accounts khan toh military links khan thakishe.
Pages aro accounts khan toh Facebook para third time takedown kurishe.
Critics hesab te 425 pages, 17 groups, 135 accounts aro 15 Instagram accounts delete kora toh enough no hoi koishe. Myanmar te 20 million Facebook account ase. Bishe patchwork toh Myanmar laga regional kotha te ase.
Facebook warn kurishe ke Myanmar laga 2020 election toh abuse aro misinformation laga jaga hubo.
Bishi manu khan Myanmar te jua saal he online te ahishe. Etu toh bishi saal pichete Myanmar bahar laga desh logote connect kuribo para nimite ase. Myanmar toh bishi saal para military rule niche te thakishe.
Civilian leader Ms Aung San Suu Kyi laga government toh military logote uneasy power-sharing agreement te ase. Rohingya khan karne khara nokura nimite dikdar pai ase.
Add Comment