London, 11 July : India ekta dangor jeet record kori luse, juntu te team laga itihas te agey bar Women’s T20I series England logot jiti luse – aru etu jeet hoise choutha match te, juntu te India six-wicket te dominant fashion te jiti luse, spin bowler khan laga bhal performance karone.
Etu jeet logot, India paise ekta unbeatable 3-1 lead etu five-match series te. Last match ahibo Saturday din Birmingham te.
India 2006 te Derby te ekta T20I match England logot jiti thaki se, kintu itu pichete “Women in Blue” England logot thaka sob T20I series hari jaise.
Spin bowler khan Wednesday laga match te major role play kori luse: Radha Yadav (2/15), 20 saal laga Shree Charani (2/30), aru Deepti Sharma (1/29) milaikeh 5 wicket loi luse aru host team ke 126 for 7 te restricted kori dise.
Openers Shafali Verma (32) aru Smriti Mandhana (31) bhal batting kori 56-run partnership bonai luse, juntu jeet karone foundation rakhi dise. India etu target 18 ball baki thaka time te chase kori loise, aru ekta memorable evening complete kori loise.
Etu jeet India karone ekta timely boost hoise, karon etu help koribo team ke English condition logot adjust koribo karone, juntu te ahi saal ICC Women’s T20 World Cup hobo.
Add Comment