Agencies:Officials koishe Thursday te Tennessee laga business jet toh US Atlanta park laga football field te crash hoishe. Etu crash te charta manu murishe.
Atlanta Fire Rescue Sergeant Cortez Stafford koishesports field piche te thaka ghor bhi damage hoishe. Mati te manu jokom huwa laga eku khobor nai.
Stafford koishe firefighters khan jet fuel through para rasta bana kena football field te jui rukha bo jaishe.
Stafford koishe plane laga bhanga toh field pura te 90 metres tok spread hoishe.
Airport Executive Director Roy Remington koishe plane toh Millington-Memphis Airport te ja samay te etu ghatna hoishe.
Age te Federal Aviation Administration (FAA) para khobor pa hesab te plane te teenta manu thakishe koishe hoile bhi olop samay te clearify kurishe ke plane te charta manu thakishe.
Remington koishe Millington airport laga fire official toh Atlanta authorities khan logote mura manu khan ke identify kuribole kosis kuri ase koishe. Millington airport toh 32 km Memphis laga north te ase.
Reggie Dumas koishe plane crash huwa samay te plane laga wings toh age piche shift kure thakishe.
FAA spokeswoman Kathleen Bergen koishe Plane toh Cessna Citation V jet thakishe.
Plane laga bishi part toh juli jaishe. Plane laga piche laga hissa toh he bachi kena thakishe.
Add Comment