Agencies:Saturday te police koishe drone ke criminal purpose karne chola nimite London Gatwick airport para duita manu ke arrest kurishe. Etu arrest toh teen din bishi hazar passengers ke disrupt kora pichete hoishe. Passengers khan Christmas nimite travel kuribo thakishe.
Wednesday te dikha hesab te drones toh British laga sob para dangor hub opor te hover kuri thaka dekishe. Etu nimite runway te 120,000 manu khan rukhi kena drone toh dekhishe aro runway te bishi chaos bhi hoishe.
Force’s Superintendent James Collis koishe drones investigation para bishi hazar manu laga flight disrupt kuri dishe. Passengers khan Gatwick Airport para Christmas nimite jaga jaga jai thakishe. Etu drones connection te police para duita manu ke arrest kurishe. Police para duita manu ke December 21, 10pm te arrest kurishe.
Passengers khan laga safety laga kotha sure no huwa tok enquiry laga sob lines toh khula thakibo.
Gatwick spokesman koishe police para passengers aro public khan ke South London laga airport te aha ja kora samay te bishi hosiyar thakibole koishe. Flights toh Friday para bera bole suru hoishe. Drones dekha nimite planes khan precautionary measure nimite naberai kena thakishe. Sussex Police koishe officers khan bishi alag alag rasta para drones laga operators khan ke dhuribole kosis kuri thakishe.
Friday te Gatwick spokesman koishe 412 arrival planes para 91 planes toh cancel hoishe aro 371 departures plane para 64 cancel hoishe.
Thursday te army khan ke support nimite matishe. Defence Ministry para specialist equipments khan loi kena ahishe etu matter toh handle kuribole.
Friday te Transport Secretary Chris Grayling para BBC ke koishe passengers khan ke safety confidence dibole bishi alag alag range of measures loishe.\
Government officials para bhi etu situation opor te kotha kuribole emergency meeting matishe.
Jason Tinglev, Sussex police koishe first 9am te khobor aha pichete etu drones ke 50 times dekhishe.
Add Comment