VIENNA:Monday te authorities khan koishe Austria te bishi borop aro avalanches para panchta panu murishe. Etu te teenta skiers aro duita snowshoe hikers thakishe. Bishi borop gera aro avalanches nimite Austria laga bishi jaga toh isolate hoishe.
Rescue service koishe duita German skiers toh avalanches nimite murishe. Etu ghatna toh Vorarlbery laga western region te Sunday te hoishe. Salzburg region te Slovenian manu murishe. Duita harai kena thaka snowshoe hikers khan laga bodies toh Monday te paishe. Borop para desh laga bishi jag ate bishi dikdar dishe. Borop para bishi rasta block kurishe aro schools bhi bon kuribo lagishe.
Desh laga northeast te dusra duita hikers etiya bhi harai kena ase.
Austria laga meteorological service hesab te jua hafta laga middle para Austria laga central aro north te 1.5 metres (five feet) toh borop juma hoishe. Aaro Salzburg laga pahar te borop teen meter tok juma hoishe.
Southeast Soelktal valley laga bosti te 2,000 genika manu khan fasi kena ase. Etu fasi kena thaka manu khan te tourist khan bhi ase.
Biya weather huwa nimite army helicopters khan bhi rukhabole lagishe.
Lower Austria laga Hochkar pahar range te ski resorts khan khuli bole khobor na pa tok bon rakhibole koishe. Tourists aro tate thaka manu khan ke jaga toh vacate kuri bole koishe.
Etu haft ate aro bishi borop geribole expect kuri ase. Tuesday para 80 centimetres tok hubole expect kuri ase.
Add Comment