Chennai, 30 August 2025: Ekta 39 saal laga ekta cardiac surgeon heart attack para hospital te round time te collapse kori jai kena mori ja laga khobor ase Chennai te.
Dr. Gradlin Roy, Saveetha Medical College te consultant cardiac surgeon thaka, Wednesday din hospital te collapse kori jaise.
Dr. Sudhir Kumar, Hyderabad laga ekta neurologist, koi ase Dr. Roy laga colleague khan sob try korise bacha bole, kintu para nai.
“Colleague khan pura valiantly fight korise – CPR, urgent angioplasty with stenting, intra-aortic balloon pump, aru ECMO bhi try korise. Kintu ekdom massive cardiac arrest, 100% left main artery blockage karone damage reverse koribo possible nahoi,” Dr. Kumar likhi dise X te.
Dr. Kumar point out korise ki Dr. Roy laga mora ekta isolated incident nahoi, aru ekta disturbing trend dikhai thake – young doctor khan, 30 aru 40 age te sudden cardiac event face kori thake.
Expert khan koile prolonged working hours ekta main reason ase enika laga death khan karone. Doctor khan mostly 12-18 hours kaam kore, kitya ba ek shift te 24 hours bhi stretch kori thake.
Dusra karone ase intense stress – life or death decision lobo lage, patient expectation high thaka, aru medico legal concern bhi thaka karone pressure besi thake.
Aru lifestyle bhi unhealthy hoi jai – irregular meal khai, exercise na kura, aru nijor health check up ignore kori thake.
Mental strain bhi besi ase – burnout, depression aru anxiety, jun doctor profession te bisi ignore kori thake.
Dr. Roy piche wife aru ekta choto son ke chari jaise.
Add Comment