Noida, 30 August 2025: Defence Minister Rajnath Singh Saturday announce korise government laga plan military upgrade koribole, koi dikhai dise ke India aji laga situation te foreign supplies upor depend kori thakibo na pare.
Noida te ekta conclave address kori thaka time, Singh koise ke government next ten years majot ‘Sudarshan Chakra’ air defence system laga under te sob important installations ke pura aerial security provide koribo. Tai add korise ke system offensive aru defensive duita capability thakibo jate threat ke face koribole paribo.
Singh highlight korise ke warfare laga nature change hoi jai ase aru drones modern strategy te bishi important hoi jai ase. “Jitya amikhan ‘aircraft’ koi, Tejas, Rafale aru fighter jets mon te ahe. Kintu aji laga time te drones ekta significant force hoi jai se,” Singh koise. Russia-Ukraine conflict example dikhai, tai add korise ke drones pura war te decisive role play korise.
Tai emphasize korise ke India laga war policy te drones incorporate kora bishi essential ase, karon drones use kori thakise olop jagate juntu te big equipment jabo napare. Singh remind korise ke suru te drones khali surveillance karone use kora jai thakise, kintu pichete combat karone develop kora hoise aru border conflicts te use kora hoise. Juntu country drones te invest korise, tai khan advantage paise.
Noida te private aero engine testing facility inaugurate kori thaka time, Singh koise ke etu ‘Aatmanirbhar Bharat” laga ekta reflection. Tai add korise ke India aji self-reliant hoi ase, nijor drones design, develop aru manufacture kori ase.
Add Comment