BETHLEHEM (Ma’an):Tuesday te Malaysian Prime Minister Mahathir Mohamad bar-bar koishe Malaysia toh Israeli athletes khan ke entry visas ke sports championship nimite bhi dibole mana kuri thakibo koishe. Etu action toh Palestine aro Palestanian manu khan ke support diaya laga sign ase.
Jua hafta Malaysian authorities para duita Israeli para swimmers khan ke entry visas issue kora mana kurishe. Etu duita Israeli para swimmers toh July te hubole thaka 2019 World ParaSwimming World Championships karne Malaysia te ahibole thakishe. Mahathir Mohamad press conference te koishe ami khan Israeli khan ke entry kuribole nadibo. Judi tai khan ahile etu toh offence hubo koishe.
Malaysian Prime Minister Malaysian media ke explain kurishe ke Israeli khan ke visa diya toh national law against te hubo. Kile koile Mayasia toh Israel state toh recognize nokure.
Prime Minister add kurishe ke judi Israel Malayia para championships’ hosting rights loi lubole echa thakishe, tai khan kosis kuribole pare koishe.
Malaysia toh lamba samay para Israeli passport-holders khan ke desh te ahibole mana kori kena ase. Etu toh duita desh majote diplomatic ties lack kora nimite ase.
Malaysian passports te line ekta hali kena ase etu toh “Israel chari kena sob desh nimite valid ase.”
Malaysia laga Kuching city toh 70 desh laga ekso opor swimmers karne host kuribole ase. Etu toh July 29th para August 4th, 2019 te host kuribole ase.
Add Comment