CLERMONT-FERRAND, FRANCE: Prosecuter koishe Frenchman para tai laga sathi ke murai dishe aro tai laga body toh drain te dump kuri dishe. Frenchman koishe Wednesday te tai laga sathi drugs karne poisa dibole mana kora nimite morai dishe.
Etu crime toh Issoire laga central town te hoishe. Manu muri kena thaka laga khobor toh ketiya customer para toilets toh block thaka laga khobor dishe etu pichete janishe. Toilets thik kuribole plumber ke matishe. Etu toh jua hafta hair salon te hoishe.
Drain te ja laga trap door khula te pluimber para mangso laga tukra paishe. Forensic tests hesab te etu mangso laga tukra toh same body laga thakishe koishe.
Investigation pichete tai khan ke hair salon opor laga apartment te loi jaishe. Police para etu apartment laga wall aro certains te khun lagi kena paishe. Etu apartment te ekta circular saw bhi paishe.
Central Clermont-Ferrand region laga public prosecutor Eric Maillaud koishe suspect toh Wednesday te confess kurishe ke tai laga sathi para poisa dibole mana kora nimite morai dishe. Murija manu laga umar toh 45 years thakishe.
Add Comment