CANBERRA, AUSTRALIA Duita divers tai khan laga vacation plans toh cancel kuri kena rescue mission te join kurishe. Tai khan etu rescue mission te barto chokora aro tai khan laga soccor coach ke Thailand laga flood huwa gufa para bachaishe. Friday tee u duita divers toh Australia laga sob para prestigious awards paishe.
Prime Minister Scott Morrison para Australian of the Year Award 2019 laga trophies toh anesthetist Richard Harris aro tai laga dive dost Craig Challen ke dishe Craig Challen toh retired veterinarian ase. Etu award toh Australia laga national day laga ceremony te dishe. Etu ceremony toh national capital Canberra te saam te hoishe.
Australian of the Year toh government para appoint kura board para choose kure. Etu toh citizens khan para society te alak alak rasta para contribute kura aro achievement kura nimite khushi manu laga ase. Etu manu khan toh desh laga role model ase.
Harris toh tai laga nijor jaga South Australia para nominate kurishe. Aro Challen ke tai laga state Western Australia para nominate kurishe. Tai khan toh atha states aro territory nominees bhiotor para choose kurishe.
Etu manu khan ke bacha laga dui hafta pichete etu duita manu ke Star of Courage laga award dishe. Etu toh Australian honors system te dusra sob para ucha civilian bravery award ase. Etu Star of Courage award toh Cross of Valor laga nichete ase.
Etu duita sathi toh eki jogote gufa te dive vacation lubole thakishe. Etu chute lubole samay te tai duijon ke Thailand te mathishe.
Add Comment