Agencies: Venezuela laga situation toh political crisis para ulabole bishi dikdar pai ase. Etu toh jua saal President Nicolas Maduro laga re-election toh recognize kuribole opposition khan mana kura nimite ase. Etu situation toh achanak para Tuesday te bishi hoi jaishe. Etu achanak para bishi huwa laga karan toh ketiya opposition para chola National Assembly para president ke joborjos para power loishe koishe etu para jhamela toh olaishe.
Etu laga dusra din te opposition para held kura National Assembly laga head Juan Guaido para nijor ke Venezuela laga interim president sob osor te koishe.
Maduro para opposition leader ke US puppet koishe aro Washington ke inzam dishe ke tai Venezuela te jhamela kuribole kosis kuri ase. Maduro declare kurishe ke tai US logote pura diplomatic relations toh cut off kuribo koishe.
Kunba desh khan etu te Brazil, Canada aro United States toh immediately Guaido ke interim presidency hesab te mani loishe. Dusra desh etu te Russia aro Mexico para Maduro ke support kura laga awas uthaishe. Aro Maduro toh he Venezuela laga ekla asol president ase koishe.
Add Comment