MANILA Jolo, Mindanao laga Philippine region te Sunday fusur te cathedral te bomb phuthishe. Bomb phutha nimite 19 manu murihe aro dozens opor manu jokom hoishe koishe. Etu ghatna toh region te notun autonomous Muslim banabole landmark bana pichete hoishe. Jaga te notun Muslim autonomous banabole toh bishi saal jamela huwa pichewte hubole ase.
Philippine Defense Secretary Delfin Lorenzana laga hesab te etu hamla para Philippine armed forces khan ke ekdam alert kuri dishe. Aro sob bhagwan puja kura jaga aro manu khan aha-ja kura jaga to hared forces khan laga nazar te ase.
Lorenzana laga statement hesab te etu hamla toh Sunday fusur 8:15am genika te duita IEDs para kurishe. Etu toh Mass hubole olop samay agote hoishe. First bomb toh church aha manu khan fusr laga church service attend kura samay te hoishe. Aro dusra bomb toh church bhitor te sipai khan poila bomb phuta nimite aha samay te phutishe.
Cathedral laga photos dekha hesab te Saman khan sob biya hoi njai kena thakishe, building laga tukra khan sob mati te thakishe Aro manu laga bodies khan toh rasta bahar te thakishe.
Komti hoile bhi barota civilians khan murishe, aro army troops khan bhi murishe. Aro komti hoile bhi 56 manu khan jokom hoishe. Kunba casualties khan toh osor jaga Zamboanga city te treatment nimite airlift kurishe.
Philippine army koishe ami khan Philippine National Police khan logote meli kena etu ghatna opor te investigate kuri ase. aro etu biya kaam kura manu khan ke identify kuribole kosis kuri ase.
Etiya tok toh kun armed group bhi etu blast nimite responsibility lubole agay aha nai.
Add Comment