HAVANA, Feb. 3 (Xinhua)Sunday te health officials koishe Cuba laga capital Havana te tornado aha para etiya tok te choita manu mura khobor kurishe. Etu tornado toh afta agote ahishe.
Health Minister Jose Angel para president Miguel Diaz-Canel para preside kura cabinet meeting te koishe manu mura laga ginti toh jokom huwa duita mnanu toh murija nimite hoishe. Etu duita manu toh bishi biya para jokom hoi kena thakishe.
Meeting kura samay te officials khan chuli thaka recovery efforts opor te follow up kurishe.
Authorities khan hesab te 1,238 ghor khan toh olop biya hoishe. Etu te 347 ghor khan toh pura biya hoishe.
Tornado toh 5- degree Fujita scale of intensity te grade 4 thakishe. Etu toh Cuba laga 80 saal bhitor te sob para biya thakishe. Tornado para ghor khan biya kuri dishe, power lines khan biya kuri dishe aro gari khan bhi ghurai dishe, aro duiso genika manu khan jokom hoishe.
