GENEVA: United Nations rights experts para Indonesia ke manaishe ke Papua te huwa police aro military para kura violence laga inzam opor te investigate kuribole koishe. Video te dekha hesab te officers khan sawal kura samay te suspect ke mon chutu kurabole zinda saap (snake) laga estimal kurishe.
Papua laga easternmost jag ate security forces khan para human rights toh abuse kuri thaka laga khobor pai thake. Etu jag ate bishi saal para separatist movement uthi ahi ase.
Poila laga Dutch colony toh New Guinea island laga western part laga resources para dhun thaka jaga ase. Etu jaga toh Indonesia logote incorporate kurishe aro etu kadam toh 1969 te UN-backed referendum para bishi criticize kurishe.
Experts koishe ami khan government ke urge kuri ase ke Papua te police aro military khan laga joborjos (force) kura toh rukhabole nimite urgent measures lubole koishe.
Spokesman Armanatha Nasir koishe police khan etu ghatna opor te investigation kura suru kurishe aro kanoon laga hesab te etu kaam opor te disciplinary action lubo koishe.
Add Comment