April 12, 2026: R. Vaishali toh sob se ahge te Maiki khan laga Candidates chess tournament te, tai para Aleksandra Goryachkina ke harai de she 11th round te kunto Saturday te khele she Cyprus te. Tai laga hath te seven points ase, aro tinta rounds bache kena ase. India laga alak khelare Divya Deshmukh para Vaishali karne ekta bhal kure she. Divya para Vaishali laga dos se kara khelari Zhu Jiner ke draw kure bole de she. China laga top seed toh khale six points hoi she, aro Vaishali toh ekta points ahge jai she. Second te Zhu aro Anna Muzychuk ase, six points loikena. Vaishali toh Chennai laga Grandmaster ase. Open section te, Javokhir Sindarov toh sobse ahge te ase, tai two points ahge te ase second ke be, Fabiano Caruana logo te draw ho piche. Javokhir kun Uzbek para ase, tai laga hath te etia 8 points ase, aro Anish Giri kun Andrey Esipenko logo te draw hoi she, tai laga hath te six points ase.
Candidates Chess: Vaishali para Aleksandra ke harai de she
Add Comment