WASHINGTON : State Department koishe Monday din te Jerusalem te thaka U.S. consulate toh notun Israel nimite thaka US Embassy toph ekta hoi jabole ase. Jerusalem te thaka U.S. consulate toh Palestinians khan ke serve kure. Etu ekta kuribole laga plan para Palestinian leadership khan ke biya pabole dishe.
Jua saal October moina te Secretary of State Mike Pompeo para Jerusalem te single diplomatic mission banabole laga decision dishe. Aro etu opor te kaam toh early March te hoi jabole expect kuri ase. Sunday din te State Department para move kuribole laga official date toh announce kurishe.
December 2017 te U.S. President Donald Trump para Jerusalem ke Israel laga capital hesab te recognize kura aro tai khan laga US Embassy toh Tel Aviv para Jerusalem te potai diya nimite Arab duniya te tai khilaf te ekdam criticism invite kurishe.
State Department spokesman Robert Palladino koishe ke etu decision toh operational efficiency para cholai loija ase aro etu te US khan toh diplomatic activity aro consular services te pura continuity thakibo.
Add Comment