Agencies:Monday din te duita haraija European climbers khan bachibole laga asha toh komti hoi ase. Etu duita climbers khan toh duniya laga ninth-highest mountain te harai jaishe. Etu pahar (mountain) toh Pakistan te ase. Ekdam intense search operation kuri kena bhi tai khan opor te eku khobor pa nai.
Pakistani military helicopters khan biya mousom nimite search operations toh rukhai kena thakishe. Italian Daniele Nardi aro Scotsman Tom Ballard toh Pakistan laga etu pahar te ek hafta para bhi bishi samay para harai kena ase.
Khobor hesab te etu duita pair toh jua February 24 te contact kurishe. Tai khan toh 6,300 meters genika elevation para contact kurishe.
Top army aviation official laga khobor hesab te duita helicopters toh K2 basse para Spanish climbing team ke urai kena loi jaishe. K2 toh duniya laga dusra (second) highest pahar ase. Spanish team ke K2 para Nanga Parbat te Monday ddin te loi jaishe. Spanish climbers khan ke harai kena thaka climbers khan ke bisaribole loi jaishe.
Tai koishe mountaineer Rehmatullah Baig laga modot para helicopters toh aerial search cconduct kuribole parishe. Mountaineer Rehmatullah Baig toh wapas na aha agote haraija mota khan logote pahar climb kuri thakishe. Hoile bhi etiya tai khan bhi etu khobor pabole para nai.
Official para AFP news agency ke koishe helicopters toh target kuri kena thaka area te 30 minutes para opor berai thakishe hoile bhi jeevan laga eku sign panai. Official toh tai laga identity toh lokai kena rakhibole request kurishe.
Baig koishe Tuesday din para Spanish team toh drones para bisaribole suru kuribo koishe.
Jua hafta toh haraija manu khan ke bisaribole laga kaam toh delay hoishe. Kile koile rescue teams khan toh permission babole nimite rukhi thakishe. Wednesday din te Pakistan tai khan laga airspace toh bon thakishe. Etu toh Pakistan aro India majote uthi thaka jhamela nimite thakishe.
Add Comment