ISLAMABAD: Tai laga party koishe ke Pakistan laga purana military ruler Pervez Musharraf toh Dubai laga hospital te admit kuri kena ase. Etu toh tai alak bimar nimite Duabai hospital te jai kena ase. Etu bimar nimite tai laga nos (nervous system) khan toh komjor kuri de kena ase.
Sunday din te All Pakistan Muslim League (APML) Secretary-General Mehrene Adam Malik para koishe ke Saturday rati te Musharraf ke tara-tari (emergency) hospital te loi ahishe. Etu samay te tai laga halat (condition) toh ekdam biya hoi kai thakishe. Musharraf laga umar toh 75 years ase.
Kaam para retire hoija General Musharraf toh Dubai te March 2016 para thaki ahi ase.
Add Comment