Rolling Stones’ Mick Jagger Etu Habta Te Heart Surgery Lobole Ase

Sunday te singer pora tweet kurise ki “tai pora bariya tok joldi  wapas ahibole karne kosish kuribo”.

Etu habta te, tai khan pora etya dhakiya laga tai khan laga US leg tour toh, Sir Mick logot te doctor pora etya perform kuribole naparibo koi kena kowa biche te medical treatment jai dibole postpone kuridise. New York Post laga “Page Six” site hesab te, Jagger laga mon toh biya hoi kena ase, aro  veteran musician laga health toh phal hobole ase. 75 umar ekbar somoy te epitomise sex, drugs aro rock and roll dhakise, hoile bhi tai laga wild lifestyle toh bar hoi jaise.

Tai pora drugs toh tai laga second maiki Jerry Hall ke log kuriya biche te chari dise aro ulap alcohol khai dhakise.

Tai toh ektam dhik dhak pora khowa lowa toh khai dhakise aaaro exercise bhi hotai loi dhakise, tai laga famous 28 inch- waist maintain kuribole karne hotai din eight miles bolai dhakise.

Sunday te tai ke Miami beach te dekhise, singer toh toh bishi bimar ase koi kena mondukh te dhaksie.

Etu habta te New York laga hospital te singer toh surgery kuribole ase,khobor laga hesab te.

Khun laga rasta chari kena etu nalowa ake te device nishina chudu ballon tube etu rasta te dhaliya laga procedures.

Etu khun laga rasta hotai khuliya somoy te patients toh ajanak phal hoi kena jowa dekhi dhake aro 24 ghonta surgery biche te hospital pora bahar te ulabole pare.

Jagger pora babole laga tai laga chest laga keyhole surgery bhi ase, aro etu pora tai laga monke control kuribole karne replacement  bhi kuribole pare.

Etu ke treat nakuri kena rakhile, etu khun laga rasta bhi bon hobo pare  nahoile heart ke control kuriya laga bhi biya hobole pare aro etu pora heart attack bhi ulabo,aro etu pora Jagger karne aro biya wala hobole bhi moka ase.

Rolling Stones’ No Filter tour laga  US leg to ulap hapta te Miami te joldi suru hobole ase, hoile bhi postpone kuridise.

Sunday te, Jagger pora tai laga fans logot te koise: “moi abni khan ke enika niche te namai diya toh moi ke bhi khushi napai… Hoile bhi moi wapas ahibole karne pariya tok joldi ahibole karne kosish kuribo.”