Ranveer Singh Toh Hurricane Hobole Kapil Dev Logote Training Loise

Kabir Khan laga ’83 biopic nimite dayari toh Dharamshala, Himachal Pradesh te pura shuru hoise. Cast(actor) toh cricket ground te dayar kori ase, kono toh pura duniya te sabole besi sundor jakka ase. Kapil Dev toh tate etu film laga team logote ase. Etu phabana ase ki makers khan pora cast ke hosa laga team nisina mon milaiibo nimite tai khan ke Dharamshala te bothai dise. Besi mani khan tate actors khan ke saole jamma hoise, tate besi bhag Ranveer Singh ke sabole. Etu Gully Boy actor pora ekta nksa post korise aro tate lekhise ki tai toh hurricane nisina hobole training loi ase koikena. Etu film toh Kapil Dev laga ekta biopic ase aro tate 1983 te Lords te ekdam chottu Indian team pora jitiya laga kahani ase. Tai khan pora ekdam gaara West Indies ke haraise. Balwinder Sandhu pora Ranveer te shikai thakise aro paise ki tai toh nijor ekdam bhal ase koikena.
Etu film toh April 2020 te olaibo. Ranveer toh etu naam dangor manu laga besi dangor fan ase aro tai laga noksa te legend koikena lekhise. Tai laga maiki bacha Amiya Dev toh pohoila bar Kabir Khan production te assistant director karne kam kori ase. Tai toh Khan laga nijete pora training loi ase.
Etu casts khan laga kotha te, Pankaj Tripathi toh coach Man Singh karne olaibole ase, Chirag Patil toh tai laga papa Sandip Patil karne olaibole ase, Punjabi superstar Ammy Virk toh Balwinder Singh Sandhu karne olaibole ase. Popular Punjabi singer-actor Hardy Sandhu toh Madan Lal karne dekhibole ase aro Saqib Saleem toh Mohinder Amarnath karne olaibole ase. Mardaani laga goonda Tahir Raj Bhasin toh Sunil Gavaskar karne ola dekhibole ase. Aro notun ekjun manu haliya te Jatin Sarna ase kono toh Yashpal Sharma karne olaibo. Etu film toh besi bhag London te shoot koribole ase.