Actress Sonakshi Sinha pora koise ki superstar Salman Khan, kono logote tai laga pohoila film “Dabangg” te olaise, logote tai mon miliya toh ketiya bi podli nahobo, juti tai kot te thakilebi.
Sonakshi, kono etiya ahiya film “Kalank” karne dayar hoi ase, toh Salman-starrer “Dabangg 3” nimite shooting shuru hoise.
“Moi ‘Dabangg 3’ laga team logote shamil hoise aro Maheshwar te konoba din karne shooting korise. Etiya moi Mumbai te wapas ahise kile koile ‘Kalank’ olaibole ase aro moi etu film ke promote kori ase. Moi etu bicchete te shooting te wapas jabo.
“Ketiya bi moi ‘Dabangg’ laga set te khusiye, moi mon te ekdam khusi pai. Moi 10 saal aagete etu film pora moi laga yatra shuru korise. Etu toh moi laga pohoila film thakise, tate Salman Khan olaise. Moi kiman film te olailebi tai logote moi laga mon miliya toh ketiya bi podli nahobo. Tai pora moi ke rasta bisaribole modot korise, moi nijor pora najani thakise ki moi acting koribole pare aro etiya moi actress ase,” Sonakshi pora IANS ke koise.
Tai pora koise ki etu project te kaam koribole besi mon ke chuwe kile koile Director of Photography, producer aro besi bhag crew members khan toh podli howa nai.
“Dabangg” toh 2010 te pohoila olaikena shuru hoise. Etu laga tweita wala film toh 2012 te olaise aro “Dabangg 3” toh etu saal December te olaibole dayar hoi ase.
Add Comment