Bebo toh pohoila bar TV te Dance India Dance logote olaibo. Etu toh Kundali Bhagya actor Dheeraj Dhoopar pora confirm korise kono pora etu season te host koribole ase. Tai pora Pinkvilla ke koise, “Besi khusi ase aro hoi, moi khan logote ekta sobse sundor maiki ase. Tai laga aagete khara korikena host koribole aalag mocha ase. Moi th stage te khara korikena aro tai ke saikena olop kotha koribole ke sai ase.” Pohoila etu koise ki Saif Ali Khan aro Kareena Kapoor Khan ke Nach Baliye 9 te olaibo karne log korise hoilebi etiya dekhiya hisab te Kareena toh Dance India Dance te solo judge karne ahibo nisina ase.
Professional laga hisab te, Kareena Kapoor Khan toh Akshay Kumar logote kaam koriya bhal pora khotom hoise. Etu film toh Dharma Productions pora bonai ase.Tai toh Irfan logote bi Angrezi Medium film te kaam korikena shuru koribole ase. Tai Angrezi Medium te olaible ase koikena toh, Radhika Madan pora najani kena olaise. Etu bicchete tai toh Takht te dekhibo, tate tai toh Jahanara karne olaibole ase. Ranveer Singh, Vicky Kaushal, Alia Bhatt, Bhumi Pednekar, Janhvi Kapoor aro Anil Kapoor khan bi etu film te olaibo. Taimur ke jonam diya bicchete, Kareena Kapoor Khan toh urban chick flick Veere Di Wedding te olaise, tate tai Kalindi Puri karne olaise. Etu film toh besi hit hoise.
Dheeraj Dhoopar toh Kundali Bhagya te Karan Luthra karne olai. Etu show toh Indian TV laga ekta dangor shows ase. Tai ke toh besi bhag Sasural Simar Ka laga Prem Bharadwaj koikena jaaniye.
Add Comment