New Delhi: Friday din te purana Australia spinner Brad Hogg para koishe ke Royal Challengers Bangalore laga biya form para ahi thaka ICC mota khan laga World Cup te Virat Kholi laga form te eku affect nohubo. Aro tai para koishe ke Virat Kholi toh toh India laga ekdam mon diya player ase koishe.
Sources koishe ke dusra user para Hogg ke hudishe ke RCB logote Indian Premier League t eke golti (worng) hoi ase hudishe. RCB toh etu bar laga IPL te ekta match bhi jeetiya nai.
Hoggs para jawab dishe ke etu toh bishi asan sawal ase. RCB toh Virat Kholi aro AB de Villiers opor te he bishi asha (hope) banai rakhi ase. Tai khan laga dusra players khan toh uthi aha nai. Etu nimite dusra players khan pra eku runs banabole para nai. RCB khan laga bowlers khan bhi tai khan laga bhal form te nai. Tai khan toh nijor laga plans khan toh bhal para chola nai. Aro tai khan logote eku bhal plans khan suru para bhi thaka nai. Etu nimite management khan toh bhal para bhuhi (sit) kena tai khan laga plans khan toh joldi thik kuribole lagi ase.
RCB toh April 13 te Kings XI Punjab khilaf te khelibole Mohali te jabole ase.
Add Comment