Kolkatta laga Eden Gardens te Chennai Super Kings (CSK) khan para Kolkatta Knight Riders(KKR) ke five wickets para jitishe .Tai khan 162 chase kura time te CSK laga Faf du Plessis bishi bhal start dishe .Tai para 24 off 16 balls te bonaishe . CSK laga dusra opener Shane Watson (6) eman bhal khelanai aro tai ke Harry Gurney para fourth over out kurai dishe .Etu pichede Suresh Raina Du Plessis logote milikena run bonaishe.Hoilebi Sunil Naraine pora etu South African captain ke 24 runs te out kurai dishe . Ambati Rayudu (5) aro Kedar Jadhav (20) bi eman bhal para khelanai aro tai duijun out huwa pichede CSK laga total toh 81/4 thakishe 11.1 overs te .MS Dhoni bi eman bhal khelanai aro tai out hoishe 16 runs bonaikena .Dhoni ke Narine para out kuraidishe .Hoilebi Ravindra Jadeja aro Raina pora 41 run stand kurikena 6th wicket nimete out nohoikena CSK khan ke jitaidishe dui ball bachikena .Raina toh 58 (7 fours, 1 six) not out thakishe .Etu fifty toh Raina laga 36th IPL fifty thakishe .Aro Jadeja toh 31 off 17 balls banaikena not out thakishe. Tai laga innings te 5 fours marishe .Etu jita karne CSK khan IPL laga points table te top te ase 7 ta jitikena 8 matches (14 points) te .Akhe te KKR khan para 20 overs te 161/8 banaikena thakishe.
Add Comment