New Delhi: Para-athletes khan karne tai khan ke aro bishi cash awards te eligible hobole karne policy botli kuri kena, Sports Minister Kiren Rijiju pora Tuesday te Para-Badminton World Championship laga medalists khan ke Rs 1.82 crore dise.
Etu botli kuriya laga policy hesab te, “International Paralympic Committee pora organize kuriya aro IPC pora organize nakuriya events hoile bhi International Sports Federation aro International Olympic Committee pora organized kuriya laga world events aro world championships te medal chitiya khan government laga hat pora cash awards pabole eligible hobo “.
Aro faisla loise ki medal chitiya khan International event khotam hoi kena country te wapas ahiya din biche te cash awards dibo ” aro boila nishena eksal laga ceremony biche te nahobo”.
Botli kuriya policy biche te poli bar cash award chitiya athletes toh para-badminton players khan ase, olap ake te Basel, Switzerland te World Championships laga 12 medals chitiya khan.
IPC pora para-badminton events ke organize nakure, aro boile laga policy hesab te etu players khan government laga hat pora cash awards babole eligible dhakiya nai.
Medal chitiya khan Sports Authority of India te sports minister logot log kurise aro tai khan ke cheques dise.
Gold medal chitiya khan Rs 20 lakh, silver medallists khan 14 lakh aro bronze chitiya Rs 8 lakh sob ke paise.
Doubles events chitiya khan gold karne sob Rs 15 lakh paise, silver chitiya khan sob Rs 10.5 lakh aro bronze chitiya sob Rs 6 lakh paise.
Add Comment