Agencies: Lionel Messi etya tak dhing biya howa toh phal pora phal howa nai aro etu season laga La Liga te tai pohili bar khilibole dhakiya toh naparibo- Saturday te Barcelona aro Valencia khilibo. Messi hoile bhi tai khan laga club te tai ekla training jai ase aro full training te wapas ahiya nai.
Messi August 5 laga pre-season training te tai pohili bar wapas ahiya somoy te jokom toh paise. Hoile bhi pohili bar toh minor jokom ase koi kena janaise, Messi pora training lobole dictary pai dhakise.
Messi logot te tai khan laga ranks te, Barcelona khan La Liga opener te 1-0 pora Athletic Club logot harise aro etu biche te Real Betis ke 5-2 pora Nou Camp te harai dise aro Osasuna te 2-2 pora draw hoise.
International break somoy te, Messi pora bura somoy jokom phal hobole karne aram kurise. Messi pora Valencia game te khiliya nai koile toh, Argentine superstar karne wapas ahibole paribole laga din toh UEFA Champions League te Borussia Dortmund laga khilaaf hobo. Enika howa nai koile, Messi laga wapas toh September 21 te LaLiga te hobo.
Luis Suarez ke etu season laga opening match te joborjose olaise aro etu bura wapas ahibole somoy bonji ase. Hoile bhi Messi laga case enika howa pora toh, tai ke jokom hoi kena bhi joborjose wapas anile phal nahobo, tai ektam phal nahowa tak toh. Etya tak te Barcelona khan pora Valencia laga khilaaf match karne ta I nadhakibole laga kodha toh paka kkuri diya nai.
Add Comment