Tehran: FIFA manu khan Tehran te Friday te maiki khan ke football match te allow kuribole laga kodha kuribole jaise, official news agency IRNA pora khobor kurise, tai nijor morai diya maiki fan karne public hala kuriya din biche te. ” FIFA manu khan pohila sports ministry logot te log kurise aro officials aro football federation khan logot te (Tehran’s) Azadi stadium te maiki khan bhi dhaki kena kodha kurise,” IRNA pora koise.
Etu te kowa toh federation officials khan pora log kuribole ahiya team khan logot te koise ki maiki khan ke football matches te jai dibole laga dyar kuri kena ase aro tai khan 10 October Iran-Cambodia game karne “officially” khushibole dibo.
“FIFA manu khan etu biche te stadium te jaise…aro entry gates te saise aro maiki khan karne set up kurise,” khobor manu khan pora koise.
Iran khan ke etya FIFA laga pressure pora maiki khan ke 2022 World Cup laga qualifiers te allow kuri dibole karne di ase, aro etu laga deadline toh 31 August tak dise.
Iran’s sports ministry pora jowa mohina koise ki maiki fan khan ke Team Melli –national team – khan next qualifier khiliya soimoy te stadium te jabole allow kuribo.
Add Comment