Kohima: Kohima laga Indira Gandhi Stadium te 25th September 2019 te Khelo India 2019 koi kena Kohima District Level Competition dhakise. Etu program toh theme “Sports for Peace & Development” koi kena Ministry of Youth Affairs and Sports pora sponsor kurise. ADC Chiephobozou, Vekhoyi Chakhesang pora khotom howa laga program te chitiya team khan ke prizes dise.
Mon tangor kuri diya laga kodha te, SDO Schu Zubza, Mhomo Tongoe pora koise ki Khelo India Youth Games, boila Khelo India School Games toh annually te January nahoile February te khili dhake. Etu India te National level laga multidisciplinary ektam niche games toh categories duita te khile, under-17 school students aro under-21 college students. Tai pora koise etu program dhakiya toh India te ektam niche level te pora suru kuri kena sports laga cultur ke country te dhakiyta sports khiliya manu khan ektam tagot framework bonai kena aro India ke ektam tangor sporting nation bonai di kena restor kuriya laga programe ase. Etu program te, bura desh laga talented players hajar opor ke sal te annual financial assistance INR 5 lakh koi kena 8 sal karne scholarship bonaise.
Mhomo proa koise ki etu program toh 2018 te suru kurise aro Haryana state khan pohila champion dhakise etu biche te Maharashtra 2019 te aro next national level game toh 2020 te Assam te dhakibo. Tai koise, ” Moi khan pora olap Sq Km pora tangor howa Haryana nishena state khan pora enika National level te ektam phal khulibole pare koile, moi khan bhi kile naparibo”, tai pora players khan ke aro bhi mehnat kuri kena aro phal wala kuri kena ahiya laga somoy te moi khan laga manu khan bhi state laga nam pora national level te khiliya dekhibole karne koise.
Etu laga banner under te hi, alal alak game volleyball, badminton aro athletic laga team khan karne coaching camp toh July mohina 2019 te basty level te suru kurise, aro Kohima laga district under te total twenty basty khan dhakise. Etu block level competition toh September mohina laga pohila habta phale suru kurise aro tade pora first position holders khan district level competition te khilise.
Alak alak game laga District Level competition result toh enika ase: Badminton – Men double, Chiephobozou block khan champion hoise aro Jakhama Kezocha block khan runners-up title paise, aro women double – Kohima Sadar block pora first position chitise aro Chiephobozou block khan second position paise. Shot Put – men category, 1st position toh Kohima Sadar block paise aro 2nd position toh Jakhama Kezocha block khan pora chitise aro women category te, 1st position toh Kohima Sadar block khan pora chitise aro Chiephobozou khan pora second loise. volleyball men category te Jakhama Kezocha block khan champion hoise aro Sechü Zubza khan runners hoise aro women category te, Jakhama Kezocha block khan champion hoise aro Chiephobozou block khan runners-up hoise.
Etu khotam howa laga program toh Youth Resources Officer, Kohima, Chubarenla Longchari pora chair kurise.
Add Comment