Imphal, 04 November: Jai thaga Naga peace talks deh Centre laga transparency thaga ke kelaaf korikena former union minister Jairam Ramesh koise, “Judi agreement para Manipur aro tusara northeastern state laga geography putli hoile Congress para kelaaf kuribo”.
Sunday din six-member Congress delegation toh Manipur laga situation sabole ahiya thakise aro manu aro party leaders laga kotha National Register of Citizens (NRC) opor deh hona thakise.
Congress Bhawan deh Ramesh para reporters ke koise, “Naga peace talks opor deh central government side para eku transparency nai. Jai thaga Naga peace taks laga progress toh janaideya nai”.
Senior Congress leader koise, “Former prime minister Rajiv Gandhi laga tenure time deh, Centre para Assam, Mizoram aro Tripura accords sign korise. Etu toh kondu state laga geography putli nakorikena korise”. Former union minister ke shaat deya khan toh AICC general secretary Mukul Wasnik, former union minister of state Jitendra Sing, MP Manickam Tagore, AICC secretary Ranjit Mukherjee aro Mohamed Ali Khan ase.
MHA para koikena thaga toh, “Etu para desh laga konbah par deh monchinda howah bonaise. Naga groups logode settlement naponja agae deh Assam, Manipur aro Arunachal Pradesh laga stakeholders ke thek para kotha kora bechide manibo. Mesha meshi khobor nemide monchinda kuribo nalakae”.
Manipur deh Congress Legislature Party leader koise, “Manipur laga manu khan toh Nagaland laga dangor demand ke manise na mananai confused deh ase. Judi aji laki laga government para manishe koile party toh dhanda para nathakibo aro gara para kelaaf kuribo”.
Add Comment