Kolkata, 29 March: Designated I-League champions Mohun Bagan para coronavirus pandemic te kelaaf korikena fight kuribole nemide Rs 20 lakh motob debole khobor janaishe.
Mohun Bagan para tai khan laga official Facebook page te Rs 20 lakh toh kathara coronavirus pandemic te fight kuribole nemide West Bengal State Emergency Relief Fund te debole koise.
Aro koise, Football toh unity te stands ase aro humanity nemide be stands ase. Ami khan para State Government’s Emergency Relief Fund te voluntary donate kuribole nemide sob manu agae ahibole request janai ase.
Mohun Bagan general secretary Srinjoy Bose para club’s website te koise, “Etu toh ami khan nemide challenging samai ase aro konbe bechae te nathakibo lakae. Ami khan laga motob toh khali suru he ase. Ami khan be biswaas kori ase tuara khan be besi families laga need te motob debo kani. Eki logode ami khan etu chamela te kamiyaab hobole paribo”.
Finance Secretary Debashis Dutta aro koise, “Phal nohoile beya samai te hobi ami khan laga fans tai khan laga motob club te support kora toh ketiya be narokhi. Etu dan samai te ami khan kon ami khan laga jevaan sosta kuribole fight kori ase etu khan ke motob debole mon ase. Ami khan dekthari toh eki logode kamiyaab kuribole paribo”.
“Etiya dekthari pai kena thaka khan ke motob debo nemide manu khan kuribole laga chese toh besi ase. Dangor nohoile horu hobi sob donation nohoile service laga act toh lamba labo. Ami khan laga bhabona toh sob single manu aro business etiya dekthari pai thaka khan ke ase”.
Besi sports personalities, organisation aro clubs toh COVID-19 te kelaaf korikena fight kuribole nemide join hoise. Tusara Kolkata club Aryan para state relief fund te Rs 2 lakh deshe.
Saturday din India te total positive coronavirus cases toh 928 tak othise aro duniya te toh 597,000-plus hisaab (count) korise.
Add Comment