Tokyo, 30 March: Monday te Tokyo Olympics president Yoshiro Mori koise tai toh etu hapta IOC president Thomas Bach logode aha sal laga game nemide direk aro tusara detail rescheduled kuribole opor te kotha kuribole biswaas kori ase.
Jowah hapta The International Olympic Committee aro Japanese organizers para coronavirus pandemic nemide Olympic toh 2021 te lobole nemide postpone kora thakise.
Mori para organizing committee executive board meeting suru kora time te koise, “Ami president Bach logode etu hapta kotha kuribole biswaas kori ase. “Tai toh ami ke sitha call koribo nesana ase aro ami nemide dekthari toh bonaishe kelay koile ami phal English toh kobole napara nemide”.
Mori koise, Olympics toh next summer nahowah agae te khelibo aro besi reports te eki July-August te lobole suggest korishe.
Mori koise, “Spring nohoile summer hobi tuita side laga option jama korise. Tuita options nemide opinions ase aro tuita te be advantages aro disadvantages ase aro etu toh saijabo aro fesla koribo.
Direk opor te fesla toh joldi ahibole biswaas kori ase aro besi athletes be etu te demand kori ase.
Mori aro CEO Toshiro Muto para rescheduling nemide daam toh besi hobo koise. Local reports hisaab te daam toh besi billion dollars hobo.
Add Comment